www.mastoni.com


Jagoan Arnold Suwekgegere
Mastoni

1.
Ooo … kabeh kuwi perkara sweeping-sweepingan, bom-boman, paten-pinaten, perang, pedhang-pedhangan, bacok-bacokan, obong-obongan, merga ora padha bangsane, merga ora padha agamane, merga ora padha coblosane, merga ora padha jabatane, ya kono terusna sakarepmu, sakatogmu, tutugna dhewe.

Lha yen wis kaya ngono kahanane, banjur sing satemene nyrimpet lakune awake dhewe nganti mateni awake dhewe iki ora liya ya awake dhewe iki ta, amerga wis ora perduli maneh marang wong liya, amerga manungsane dhewe iki sing serakah. Pancen ya serakah kuwi sing dadi sebabe, serakah lan ora perduli nasibe liyan kagawa saka nafsu.

Saiki wis ora usah bingung-bingung maneh nggoleki sapa sing dadi wewe gombele, genah wis katon wela-wela, yakuwi nafsu, nafsu, nafsu, sepisan maneh nafsu kekarepan elek sing perlu disweeping, diperangi, dipedhangi, dibacoki, diobongi, krungu ora?! Aku dhewe mung lamat-lamat krungune. Sikap no reken yu mau lha kok banjur dibuntel rapet dadi siji karo sikap no reken sejatining Gusti Kang Murbeng Dumadi, mung kanggo topeng, wong Gusti kok dienggo topengan, dadine genep jangkep pas, lho apa maneh sing kurang?

Wong edan kepingin dadi jagoan, wong becakan kepingin dadi jagoan, pelajar mahasiswa kepingin dadi jagoan, pejabate ora ketinggalan malah sregep menehi conto kepriye bisane dadi jagoan, ing ngarsa sung tuladha ing madya golek bala tut wuri handayani, ajur negara! Lho kabeh kok padha melu-melu kaya wong arepe budhal nonton Bengawan Solo Fair sing nyatane ora fair tenanan, ya apa iya? Mas Suryo diesemi wong ayu aku ora, kamangka nontone bareng.

Lasykar Islam kepingin dadi jagoan, Amerika kepingin dadi jagoan dudu crita anyaran, Aleksander Agung kepingin dadi jagoan. Raja Mesir mbiyen ya ngono uga kepingin dadi jagoan, tapi Gusti Allah ora marengke banjur ngirim wong sing ngendikane bae jarene jare ora teteh, yakuwi Musa, wong siji bisa ngalahna negara gedhe, lho kok dadi kaya pileme Arnold Suwekgegere ya? Ya genah ora padha no, kowe iki piye ta? Kabeh wis weruh Firaun kuwi raja tenanan dudu raja singa, senadyan padha-padha penyakite. Malah Charleston Heston ora budheg matane, ora picek kupinge ya ngerti critane banjur gawe pileme, wis kono delengen dhewe.

Manungsa kuwi saka kersane Gusti Allah katurunake menyang ngrecapada minangka utusane Gusti Allah mulane ana Ha Na Ca Ra Ka, tegese ana utusan. Utusane Gusti Allah manungsa lanang lan wadon. Minangka utusan, manungsa diparingi kapinteran kang luwih-luwih dening Kang Maha Kuwasa. Nanging aja salah ing panampa, kang diarani utusan kuwi tegese kuwasane ora bisa ngluwihi kang ngutus. Manungsa mung dikuwasakake mengku kang wis gumelar ing jagad, diwenangke nguwasani nanging ora maha kuwasa, kayata ora bisa gawe urip. Yen nguripke lampu pancen bisa, jenenge ya urip, nanging kuwi dudu sejatining urip. Lha wong bisane urip mung merga saka welase PLN mumpung durung dicabut telat mbayar rekeninge. Tuladha liyane golekana dhewe aku nehi-nehi, dak terusne olehku lumaksana mblambangan karo ngombak banyu. Oops sabetane keri. Dak sabet karo gaman Sarutama bakal nggoleki maneh kowe ya?

Manungsa pancen diuja dening Kang Maha Kuwasa diparingi mawarna-warna kabisan nganti bisa nglumpuk manjing paseduluran ngedohi bengkerengan lumantar Milis Jawa contone, mocok ce? Nanging uga akeh manungsa sing rumangsa jagoan bebasan ditembak ora mempan bareng dikabluk pitik kok ya mlayu, watake keras sifate brangasan kaya Mastoni hehe, angkara murka, mbregedul, lsp., banjur nguja kesenengane dhewe utawa ngumbar hawa nefsu ngaji pumpung. Malah ana sing guneman ngene, "O Allah urip sepisan kanggo apa, yen ora diseneng-senengke saiki kapan maneh apa ngenteni mbesuk yen wis mati?"

Karepe sing guneman mau amerga saka kurang ngertine tegese tembung 'O Allah urip sepisan kanggo apa'. Kamangka pancen bener yen Allah iku ya Urip Kang Sepisan kuwi, ora ping pindho ping telu. Ya jalaran mung sepisan kuwi mulane diarani langgeng. Sengaja aku nganggo asma Allah senadyan kena bae ngaturi nganggo asma liyane, iki ora liya amerga tembung Arab 'Allah' mau ora nduweni gender, lanang wadone tembung. Lha yen wis nduweni gender ateges wis winates, mleset saka sifate Gusti Allah.

Manungsa urip kuwi tegese manungsa sing ragane isih kadunungan Urip. Yen ragane wis dioncati dening Urip, yen wis ora dikanggokake maneh dening Urip terus ditinggal glanggang, banjur raga mau diarani bathang kang ora ana ajine, mulane kudu digolekna panggonan dhewe ing kuburan ben aku ora mlayu wedi hiii … uwong kok medeni.

Urip kuwi dumunung ana ing sakabehing dumadi. Dene Urip kang ana ing manungsa iku urip kang sejati, urip kang sampurna, urip kang dadi tungguling kahanan. Manungsa iku minangka wadhahing urip kang suci, mulane sawise ana ing manungsa mestine kudu nindhakake sakabehing laku kang suci, supaya bisa dadi manungsa kang utama, dadi utusaning Gusti, Ha Na Ca Ra Ka. Aku dhewe isih rumangsa abot nglakoni lho! Kesebelasan iman ini tidak selalu bisa bertahan satu kosong, wis nate nonton Real Madrid ora? Dadi surasane tembung 'O Allah urip sepisan kanggo apa' kaya ing ndhuwur mau satemene ya ora liya awake kang urip sepisan, murih gamblange maneh ya badhan wadhage manungsa sing kadunungan Urip Kang Sepisan kuwi.
2
Gusti Allah kuwi 'boundless absence' utawa yen miturut wong Jawa, Gusti Allah kuwi dununge cedhak tanpa senggolan, adoh tanpa wangenan, ana rupa kang padhang trawangan nanging dudu padhanging lampu dudu padhanging srengenge uga dudu padhanging rembulan, gumantung tanpa cantelan, kang dumunung ana ing suwung ya ana njaba ya ana njero. Ilmu fisika modern wis bisa menehi gambaran ngenani sifate Gusti kaya sing wis dak aturke ing ukara ndhuwur mau. Minangka tuladhane yakuwi energi, sawijining cahya lan dhaya kekuwatan sing ora bisa cinipta lan ora bisa dimusnahna, bebasan senadyan disweeping ya isih tetep mringis he he heei. Ketombe, siapa takut?

Aja kuwathokan, eh maksudku aja kuwatir dulur, nalika aku ing Cambodia kahananane luwih, luwih nggegirisi banget toh nyawa tenan. Saiki bali menyang pitakon wong urip kuwi satemene kanggo apa. Bab iki pancen kudu diweruhi dening sapa bae kang gelem meruhi, supaya bisa mangerti Sangkan Paraning Dumadi. Dionceki dhewe dhisik, dirasakne dhewe dhisik, ing mburi bae mengko dak coba melu urun rembug.

Ana maneh sing guneman, "Urip ana sing nguripi", ora perlu syusyah syusyah, dituwug-tuwugne olehe seneng mumpung isih ana ing alam donya. Pandhakwane yen 'Urip ana sing nguripi' iki sejatine tembung lumrah nanging salah kaprah. Sing bener Urip kuwi ora ana sing nguripi nanging Urip Kang Ijen, Urip Kang Esa. Sing bener ya Urip kuwi sing nguripi panguripan, ora liya ya sakabehing dumadi. Aja kulawik mundhak kulawat dadi jambu mete wetenge njembluk ndhase ing ngisor dirubung semut apa ora medeni? Hiii … uwong kok medeni terus.

Manungsa kuwi senadyan gedhe dhuwur dhempal kaya Arnold Suwekgegere yen lagi kena plukuthuk bae (flu cak, maksudku flu), iku lho kuman apa virus cuilik menthik sing lagi asyik bermalam jahanam sejak malam pertama manggon ing perangan awak ing sisih kene ing sisih kono banjur bleg … ambyuk wonge ora bisa tangi kaya wong arep modar, wong nyatane pancen arep modar. Wis keok kaya ngono manungsa ya meksa isih ana bae sing kepingin dadi jagoan.

Oooo … dadi kuwi ta sing satemene kepingin dak rembug ing kene, kudu wani ngakoni yen satemene manungsa kuwi dudu jagoan, kanyatan sing ora beda karo bedane Kulon lan Wetan. Yen ing Kulon, wong kono padha ujar, I think, therefore I am. Ing Wetan awake dhewe kudune wani kandha, I think therefore I am NOT. Ngene lho dulur:

Rene Descartes punika was a knukclehead, ngaten. Statement piyambakipun "I think therefore I am" manawi miturut pamanggih kula has got to be one of the sloppiest pieces of philosophical and contemplative work in the history of the West. Lha kula punika malah langkung remen lan rumaos ceceg kaliyan the Buddhist version " I think therefore I think I am." And truly an opinion is the flimsiest of things on which to rest such a weighty proposition as "I am."

Aku jaaan ora setuju bianget karo Rene Descartes, ngono kok bisa misuwur ya, lha aku dhewe kok bisane mung mikul siwur. Yen durung jelas maksude omongane Rene Descartes takona aku. Aku dhewe bingung jawabane, wong ukara mau nemu ing buku pilosopi tulisane Pak Rene Dokar sing dokare ora rene-rene ya diterusna bae olehe ngobrol sinambi ngenteni dokare.

Lha terus piye kepenake saiki? Terus kepriye yen manungsane dhewe ora kesel kesel gawe bom, tuku bom, kulak bom, mborong bom, bom maneh, terus bom bom bom mateni sapa bae sakepenake udel, terus pungkasane piye? Apa spesies sing jenenge manungsa iki ya bakal bisa tetep urip langgeng? Pungkasane pungkas ya manungsane dhewe sing moudyar ta? Amerga tumindak kaya ngono kuwi satemene ora beda karo ngejur awake dhewe sak empot-empote (self-destruction mechanism). Sifat serakah lan tansah golek menange dhewe yakuwi sing arep mateni awake dhewe. Kudu diendheg.

Sepisan maneh sing langgeng mung Uripe, sing modar manungsane, aja nganti kliru. Manungsa modar dadi bathang asal lemah bali menyang lemah, Uripe bali menyang awang-uwung (boundless absence). Ewasemono yen ragane manungsa wis dadi bathang ora wurung sing nggulawentah ngedusi, nyembahyangi, ngubur, nylameti, lsp. uga Urip, yakuwi manungsa liyane sing isih kadunungan Urip. Yen bathange bisa adus dhewe milih bluron ing kolam renang ora sempakan rak malah kepenak ora gawe repot keluargane. Semono uga nalika jasade dikubur ing njerone lemah, asal lemah bali menyang lemah maneh, nanging lemah kuwi satemene ya urip, lha yen mati rak ora bisa nguripi tetuwuhan kanggo nguripi manungsa sing isih urip, sing mengko ya genti nandur tetuwuhan mau saperlu dipek hasile. Lho kahanan ngalam donya iki rak mubeng bolak-balik terus ta?

Mula saka kuwi manungsa arepe dikaya ngapa bae, senadyan wis mati tetep ora bisa uwal saka Urip, ora bakal bisa oncat saka kuwasaning Gusti, ora perlu was sumelang maneh, aja benceng ceweng njaba putih njerone kuning. Yen manungsa laire lan batine wis padha banjur diarani Loroning Atunggal, loro dadi siji, siji dadi loro, isine (Urip) suci, wadhahe (raga) bagus.
3.
Urip Kang Sepisan utawa Urip Siji mau dununge ana ing jejering manungsa lanang lan wadon utawa bapa biyung minangka utusane Gusti, Ha Na Ca Ra Ka, mulane banjur kabasakake Sastra Jendra Juningrat, tegese Tulising Gusti Kang Cetha. Bab iki perlu dimangerteni supaya bisa ngganepi urip bebrayan kang ing ngalam donya, kaleksanan nggayuh rahayuning budi wiwitan lan pungkasan. Senadyan manungsa diwenangke nggayuh rejaning donya brana nanging kudu sing manut marang ati kang resik. Yen wis mangkono banjur uripe bisa ayem lan tentrem. Ewadene katentreman kuwi dununge mung ana ing rasa, yakuwi rasa kang suci ora liya rasa kang sumeleh. Lehhh….

Satemene mung prasaja banget ora ruwet kaya sing dibayangke. Yen kowe kabeh padha kepingin mangan wareg, duwe jabatan dhuwur, omah, mobil mewah, dhuwit akeh lan iki iku. Lan yen kowe banjur miwiti gawe perkara nggasak wong iki iku, nggasak wong iki iku, miwiti ngrogoh dhuwit saka kanthonge wong iki iku. Banjur ganti aku uga emoh ketinggalan sepur melu-melu tumindak ngono. Banjur sedulurku lan kancaku padha melu ngono. Banjur liyane maneh uga melu-melu, pungkasane apa ya terus bakal keturutan bisa mangan wareg, duwe omah, duwe mobil mewah, dhuwit akeh? Ora bakal.

Lha terus wiwit mau sing diumyege kuwi apa? Ora liya ya mung ngurek ing kono padha umyeg karepe dhewe bengkerengan terus swarane kaya pasar pitik. Kepriye arepe bisa mentas uripe bisa tentrem adhem ayem yen kabeh mung lelumban padha kepingin bisa ngrebut panganan saka panganane wong liya, ngrebut jabatan saka jabatane wong liya, bisa ngumpulke donya brana saka donya branane wong liya, pungkasane ya mung mumet bingung kaya pitik theloen.

Aku nggawa dhuwit Rp 10.000 saperlu kanggo tuku panganan, durung sempat madhang dhuwite wis dicopet dening B, sawise ana ing kanthonge B banjur B diapusi dening C, ana C dhuwite diutil D, kaya ngono sateruse. Kabeh ora sida mangan ta? wong dhuwite ora karuwan parane. Akhire ya mung mumet bathuke, bingung karepe dhewe. Diubengke cagak bae dhisik ping telu ben pitike ora bingung nggoleki tarangane. Eling ora, kuwi jarene jare wong-wong kuna nalika aku durung ana mbiyen kae lho. Uwong kok dipadhakna pitik.

Prayogane rak ngene, hei bedhes belek, kethek ogleng, setan belang, wedhos berok, kene padha ngumpul kene ayo padha mangan bebarengan, nyidhuk dhewe 'segane' aja sungkan-sungkan sing penting eling liyane dingengehi, nyoh iki piring kanggo kowe, iki kanggo aku, iki kanggo liyane. Yen bisa mangkono, mengko kabeh wetenge rak bisa kisen wareg, sedulur akeh dadi padha rukun, urip krasa ayem tentrem.

Dadi yen awake dhewe iki wis bisa urip rukun ora cocongkrahan terus, yen urip iki wis lelandhesan rasa tresna asih marang siji lan sijine, yen kabeh padha rumangsa ora kabotan mbantu siji lan sijine, tamtu bakal ana timbal balike, nandur kabecikan bakal tumukul kabecikan. Yen tumukul elek kuwi jenenge lagi apes, delengen dhewe ing KTP-ne jenenge pancen Avez, mosok wis pangling karo kanca sak kelas Rek? Yen lagi nandhang apes, ndonga nyenyuwun bae muga-muga diparingi sabar, ora perduli Sabar wis duwe bojo anake loro, trima diwayuh ya ora apa-apa, luwih becik tinimbang wirang dadi prawan tuwa. Lho nekad!?

Aku wonge seneng kluthusan. Wis nate dolan nganti tekan ngendi-endi (nganggo dhuwit kantor tapi), mangkane tetep kere, nanging atiku bungah jalaran bisa mbandhingna kahanan negara-negara sing wis nate dak parani, banjur bisa macapat, maca mripat papat. Ana negara, ing kono senadyan ta kowe nggawa dhuwit mbrewu akehe, nanging bingung arepe mblanjake sing arepe dituku kuwi apa, lha wong sing jenenge toko lan restoran ing negara kono mau isine kosong blong, arepe lelungan golek kendaraan ndadak kudu ngenteni nganti mejen. Ya mejene dhewe.

Ing negara liyane maneh, ing kono kowe bisa bae duwe mobil pribadi, nanging bingung arepe golek parkiran ora ana, apa ya mobile arepe terus dilakokna? Yen bensine entek apa ya terus diganti uyuhe jaran? Diseret ya ora kuwat. Ya sereten dhewe.

Ana maneh, ing negara liyane maneh, ing kono yen dhuwitmu akeh, uripmu malah tansaya ora tentrem. Ana negara sing kahanane isih nggegirisi banget kaya ngene iki. Lha wong senadyan ing omah bae sawayah-wayah bisa dirampok, apamaneh yen lelungan, brandhal bromocorah pating sliwer sak enggon-enggon, endi dulur, endi kanca, endi musuh wujude padha nggapleki kabeh. Sosialisasi bromocorah nich ye? Syik asyik, cihuiiii ….!

Jare Mas Suryo tukang ngapusi ben genti diapusi tukang becak, rasakno! Mbayar sewelas ewu limang atus plus makan siang gratis sate wedhus saka Tirtonadi menyang Baluwerti, kamangka lumrahe mung telung ewu limang atus. Rasakno, kowe yen ngapusi bakal diapusi! Iki ngomong apa ta aku iki? I don't know.

Ana maneh sing luwih aneh bin ora mbeneh, ing negara mau kowe bakal diuja donya brana, nanging uripe bangsa mau racake kok ya ora ana bungahe. Wong mesem ngguyu ketemune mung ing gambar-gambar iklan, saking kulinane nganti rakyate padha melu mesem ngguyu, aja kliru, ngguyune mung ing foto-fotone thok, supaya dikira yen uripe wong mau bungah banget, akeh-akahe mung ngapusi. Kahanan satemene sing akeh tinemu anane mung wong-wong sing padha seneng ngeyel engkel-engkelan, senadyan perkarane mung sepele banget, persis kaya ing pilem-pileme sing dieksepor menyang Indonesia terus diconto plek karo penontone, klebu rambute sing neiyeng, dudu blond ning neiyeng, sekali lagi neiyeng, neiyeng, neiyeng, neiyeng, jelas? Putri Solo saiki rambute ya akeh sing padha neiyeng. Dhiaasarrr … Putriiii … Solooo! (nyanyine kudu nganggo dialek Suroboyoan!)

Ing negara mau, racake wonge padha mbethuthut, kesenggol sithik senadyan ora catu wis jenggong gampang banget nesu, lambene minca-mincu terus, ulate mrengut angel diajak cecaturan senadyan padha bangsane, uripe katone kok padha kijenan kesepian, sing dielus-elus dudu pupu mulus ning pupune kucing, sing dicipok dudu bibir-bibir yang basah bergincu merah nanging lambene lan ilate asu sing katon diklamuti, dikudang-kudang kaya pacare, wong pacaran kok karo asu. Pacarana dhewe kono, tinimbang karo asu dak pilih ora payu.

"Mastoni ini asal tidak terkena hawa basah, disimpan lebih lama akan menambah rasanya lebih enak."

BACA ATURAN PAKAI:
Bila status perjaka tetap berlanjut, segera hubungi dukun.
4.
Pancen manungsa yen wis rumangsa uripe sarwa kecukupan, wong-wonge akeh sing sifate dadi anggak, amerga rumangsa ora mbutuhna wong liya maneh, panganggepe kabeh bisa tinuku nganggo dhuwit, rasa kamanungsan dadi ilang. Nanging yakuwi, bareng wis rumangsa kesepian, silite asu klakon didilati tenan tanpa nyuwun sewu dhisik, wong ndilati silite asu kok ndadak nganggo nyuwun sewu. Playune paling banter ya alkohol and sex and sex, esek-esek terus, mlincet dhewe rasakna. Nyebut asmane Gusti diundamana jarene haram jadah. Coba dipenggalih, urip kaya ngapa ngene iki? Kamangka Gusti kuwi satemene ana, banjur ing ngendi papan panggonane?

Seek that pearl from within your chest
and let It reflect Its light from within your breast.

Wong urip kuwi kudu gelem srawung gepok senggol karo tangga teparo, gelem tulung-tinulung marang sapadha-padhaning tumitahing Gusti Kang Akarya Jagad, lan gelem mbukak atine, sadhar yen saben wong kuwi beda, ora kena dipeksa kekarepane mesti kudu padha karo awake dhewe, sing penting ora nyatoni liyan ora gawe kisruhing kahanan.

"Selera orang 'kan lain-lain," maka berkatalah Mas Suryo lagi. Lagi-lagi Mas Suryo. Lha wong Mas Budi repot terus nggawe supermi! iku lho ngurusi kabel-kabele telkom. Nggoleki Mbah Landa mlayune mesti kudu menyang perpustakaan Harvard. Dhasar kutu buku, wong buku kok ana kutune apa ora wegah macane. Mbah Landa iku nalika isih cilik wis Landa lho! Aneh, wong isih cilik kok wis Landa. Ya uwis ah, diteruske bae ngobrole…

Lha bocah kembar bae satemene ora padha senadyan ta bocah loro mau memper banget, yen ora memper jenenge dudu kembar, tetep yen digoleki bisa tinemu yen ana sing ora padha. Yen wis ngene, banjur kepriye arepe bisa madhakna? Sing padha tenanan anane mung siji yaiku aku, tegese mung ana siji sing bisa padha karo aku ya aku dhewe. Not really, wong kadhang-kadhang aku dhewe ya isih selegendhe, kadhangkala mbeneh kadhangkala edan, so Mastoni is SLGD. Bah!

Yen aku ora bisa padha karo kowe, lan kowe ora bisa padha karo aku, terus piye kepenake? Apa terus ngajak antem-anteman, paten-pinaten, sweeping-sweepingan, obong-obongan, jihad-jihadan (tegese ora jihad tenanan, wong jihad tenanan kuwi ora ngono ning ngene lho!), mung amerga kowe ora bisa padha karo aku, contone angger wong sing ora disunat banjur diarani kafir, kamangka nyatane ana sing luwih seneng Uncut, dijarne klewer-klewer ing Pasar Klewer kaya tlalene gajah aboh ya ben, wong pancen senengane merek iku.

Apa kepenake ngene bae … ditrima bae kahanan sing nyatane pancen beda mau kanthi lila legawa, banjur matur nuwun marang Gusti, sokur kowe diciptakna ora padha karo aku, yen padha ngganthenge kaya aku … wah, saingan. Pesan sponsor, nich ye?

Kahanan sing beda-beda mau cinipta dening Kang Maha Kuwasa supaya padha gelem meruhi siji lan sijine. Iki amerga kahanan sing beda-beda mau satemene kanggo menehi gambaran marang kita kabeh kepriye Uripe wong mau. Basa moncere:

Because what we know in one another is what God is revealing, how God is living in that person, in the deeper sense is that God is unique, God is great, everybody is unique. Paham ora paham karepmu.

Yen kahanan ing donya iki kabeh banjur kudu padha, donya iki bakal mboseni banget, persis kaya barang-barang sing diproduksi massal, suwe-suwe dadi ora ana ajine. Banjur Gusti Allah iki nyiptakna manungsa nganti 5 milyar cacahe iki kanggo apa? Siji bae rak wis cukup ta? Ooo .. manungsa kuwi pranyata kulite putih, irunge mancung, basane Inggeris, panganane burger, that's enough, we got the idea. Gusti Allah ora cubluk.

Minangka tuladha sing rumangsa dadi wong Jawa ya kudu gelem cecaturan nganggo Basa Jawa karo padha wong Jawane, iki ora liya ya supaya ndonya iki ana warnane. Bayangna yen ndonya iki basane kabeh padha, ora ana sing nehi-nehi tumbar miri jahe kare-kare disantap kere-kere, apa ora bakal mboseni banget? Ora perlu rumangsa ketinggalan jaman yen ora weruh Enrique Iglesias, nanging rumangsoa ketinggalan jaman yen ora weruh Yati Pesek. Ora perlu rumangsa asor nduweni kulit sawo mateng wong kuwi pinaringane Gusti, ora perlu ndadak kudu disemen putih dhisik nganti kaya pocongan, aja gelem diapusi pabrik kosmetik. Ora perlu minder yen basa Inggerise kurang fasih, nanging rumangsoa minder yen basa Jawane kurang fasih.
5.
Supaya ati bisa resik yen lagi sesrawungan karo sapadha-padhaning tumitah, prayogane kita kudu bisa ninggalna KTP sing isih cumenthel ing awake dhewe yakuwi NAFSU, EGO, IDENTITAS, JABATAN, kudu bisa direm aja nganti katut digawa mlayu banter kebablasen nabrak pager, wong pager kok ditabrak, rasakna beset dhewe. You have to conquer that id, darling. You have to get that under control, my dear. Please! Saben uwong aku percaya diparingi kaluwihan dhewe-dhewe dening Gusti Kang Maha Kuwasa, supaya manungsa gelem sinau saka siji lan sijine, bisa ngregani siji lan sijine. Titelmu dhuwur ning kowe ora enthos dikon nggawe cenil sing kenyol-kenyol enake kaya cenile Mbok Iyem pojok pasar kae. Wee .. dak apusi kowe, sori disosor meri dulur, cenile Mbok Iyem mung kanggo bojone dhewe, ora didol.

KTPmu kuwi--nafsumu, egomu, Mastermu, Ph.Dmu, GPHmu, jabatanmu, dak ibaratna asu galak, talenana dhisik asumu supaya aku ora wedi mampir menyang omahmu. Kowe nduwe asu galak ora? Yen ora nduwe asu galak, aku matur nuwun banget ora ana maneh sing perlu dak wedeni. Merga ana asu galak kuwi sing marakake aku ora wani mampir mlebu omahmu. Senadyan kowe minarakna aku nganti ping sewidak jaran, akeh banget ta ya jarane, nanging yen asumu ora ditaleni kuwi padha karo ngapusi. Nehi ah, emoh ah, aku emoh mampir omahmu merga aku wedi karo asumu. Asui, rupamu kaya kirik! Ya mesti bae asu kuwi rupane kaya kirik. Sapa ngerti asumu mau terus nyokot aku. Dicokot se karuwan larane langsung krasa, lha yen ndadak dioral dhisik, banjur dikrikiti sithik-sithik sadurunge dicokot apa ora kerih kabeh? Dadi mung sawise aku rumangsa yakin yen asumu sing galak mau wis ditaleni rapet lan disingkrihna ing panggonan sing aman ora bakal nyokot aku, aku cakut gelem wani dolan menyang omahmu.

Lha yakuwi lho dulur sing kepingin melu dak aturke ing kene! Satemene kahanane Gusti Kang Akarya Jagad iki ya ora beda karo tuladha ing ndhuwur mau. Yen isih ana asu jenggong ing njerone ragamu, Gusti Allah ora bakal kersa rawuh ana ing kono. Dadi talenana dhisik asumu kuwi, supaya kowe bisa ngrasakna rawuhe Gusti ing awakmu. Yen wis bisa ngrasakna rawuhe Gusti ing awakmu, banjur kowe bisa ngrasakna rawuhe Gusti ing wong tuwamu, sedulurmu, kancamu, ing sapadha-padhaning manungsa. Banjur kowe bisa ngrasakna rawuhe Gusti ing sawernaning tetuwuhan lan kembang kembang. Banjur kowe bisa ngrasakna rawuhe Gusti ing sakabehing sato kewan. Banjur kowe bisa ngrasakna rawuhe Gusti ing banyu, ing langit biru, banjur ing ngendi bae ……………………

Yen wis mangkono banjur kowe bisa bebarengan karo Gusti Kang Maha Asih rina klawan wengi lan kowe bakal bisa nresnani Gusti kapan bae. Sabanjure Gusti bakal balik nresnani kowe, liwat awakmu dhewe, liwat ibu bapakmu, sedulurmu, kancamu, liwat wong ika. Yen kowe wis gelem nandur wiji rasa tresna asihmu, kowe dhewe sing bakal genti ngundhuh uwohing rasa tresna asih mau. Ananging supaya wijine bisa tumuwuh banjur ngrembaka subur, nandure kudu ing lemah sing bener, kudu diresiki dhisik saka sesuketan sing bakal ngalang alangi thukule wiji mau lan dijaga sabisa-bisane aja nganti kena rereged polusi lan polisi.
6.
Nanging geneya kok banjur isih ana sing rumangsa alergi nyebut asmane Gusti? Miturut panemuku, sebabe ora liya salah sijine ya merga tumindake sawetara wong sing wis ngrusak, molak malik, ngregedi, lan ngorupsi ajaran agama kang satemene luhur mau. Dadi yen ana wong sing banjur milih ngedohi agama, malah mungsuhi agama, banjur nganut paham atheis, paham sing aneh-aneh, satemene wong-wong mau ora kena disalahna banjur genti dimungsuhi, because that's how the religion has been presented for ages! Nyatane ya isih akeh sing ngganggo topeng agama kanggo nutupi tumindake kang ala lan keji. Sejarahe golekana dhewe, nyatane durung rampung-rampung nganti tumekaning saiki, bisa tinemu ing agama apa bae lan bisa kedadeyan ing ngendi bae. Sepurane aku ora wani menehi conto dhewe, kuwatir mundhak kliru ndadekna seling serep ing panampa terus bengkerengan.

Mulane ing kene aku ora nyebut jenenge agama. Endi sing bener lan perlu dilakoni lan endi sing ora bener lan kudu didohi, kudu diweruhi dhewe, ayo padha digoleki dhewe-dhewe. Nanging endi sing bener lan endi sing ora bener sipate kudu universal, dudu mung hukum weton Gedhung Putih utawa Istana Negara contone. Kudu digoleki dalan tengahe. Antarane njaba lan njerone kudu bisa imbang. Sing sipate ekstrim kudu ditolak. Kudu sing resik, apik, lan bening, tegese ora gawe sengsarane liyan.

Kena-kena bae peraturan utawa hukum mau disusun beda-beda kanggo nglindhungi bangsane dhewe, nanging aja banjur kanggo nyerang manungsa liyane, aja kanggo alesan pek pinek barange pinek nganggo topeng investasi, bantuan luar negeri, 'dana untuk pembangunan', 'dana untuk membantu korban bencana alam', lsp. Bab iki aja dipadhakna karo nalika aku ngrembug bab kahanan wujud badhan wadhag lan alam pikirane manungsa sing beda-beda mau. Alam pikirane manungsa kena bae kanggo mikir sak bebas-bebase, malah kudu diregani sakabehing pamikiran mau, nanging yen wis gepok senggol karo nasibe manungsa liyane, yen wis arepe diwujudna arupa peraturan utawa hukum, ya tetep kudu ana watese, lha yen ora, isine ndonya iki rak wis ludhes wiwit jaman baheula. Lha wong sing tumuju awake dhewe bae ya kudu weruh watese, yen ora ya stress dhewe.

Kuwi kabeh perlu supaya umat manungsa bisa bungah atine uripe ayem tentrem, merga yen tumindak kita ora nyimpang mleset saka pusering bebener, jagad iki bakal katon yen urip. Aja pisan-pisan ngira yen jagad iki mati, kaya nalika para ilmuwan Barat nggoleki jawabane pitakone dhewe: Apa manungsa kuwi uripe ijen plek ing jagad iki? Aliens digoleki nganti elek ora ketemu-ketemu. Picek matane ora peduli tanggane kiwa tengen ngisor isih akeh sing mati kaliren, wis mati kaliren isih tega mentala idek-idek bathange maneh. Manungsa sing katon wela-wela wujude ana ing cedhake padha disingkur nasibe, malah ditinggal nggoleki wujud sing durung karuwan wujude.

Yes, we are the only life, the whole universe is there for nothing, just us, SIR.

Lha yen kowe percaya pancen bener ngono, tamtu aku diparengke ngedol Empire State Building menyang Nihonjin, supaya wong-wong ing dhusunku pawone bisa kemebul metu keluke maneh, ora gegeran terus rebutan panganan sing mung kari sak emplokan, sisa panganan sing meh ludhes entek resik mok gasak ijen, ya apa iya?

Yes, we are the only people in the universe, SIR, and nothing, nobody, there is no more life anywhere else.

Excuse me, SIR, the whole universe is alive! And everything you do, and everything you say can be used in the court of law against you, in the universal court. And you are already, everything is related to each other. So whatever you're doing, you're affecting the universe, SIR.

Krungu ora kupingmu, SIR? Genah ora, wong pancen budheg dienggo ngrungokna walkman karo njoged-njoged dhewe ing ndalan kaya wong edan, ngempe mencari perhatian merga rumangsa kesepian ning ora gelem ngakoni yen kesepian, wong nyatane isih ana walkman, isih ana tv, isih ana video, isih ana mobil, isih ana internet, isih ana sundel, isih ana gigolo. Delengen dhewe kono, rungokna dhewe kono, aku ora sudi ngancani kowe, amerga kowe dhewe pancen alergi dikancani manungsa. Delengen kae lho wong-wong padha mlaku semliwer ing Lexington Avenue akehe kaya gabah diinteri, nanging racake luwih seneng cecaturan karo hp, wegah ngomong karo padha jalma manungsane kang ana ing cedhake. Lho apa ora kulawik, dulur?

Mesin dadi manungsa, kaya tuladha ing dhuwur mau. Ing negara mau, manungsane ethese kaya Mustakaweni yen lagi ngomong karo mesin, nanging rumangsa angel banget arep miwiti njeplakna lambe ngobrol karo padha manungsane sing katon ngadeg njegegreg ing ngarepe kanthi alesan kuwatir nganggu privasine wong mau, kuwatir bisa nuwuhna panganggep sing ora-ora banjur dadi masalah, lsp. Yen lanang arepe miwiti nyapa karo padha lanange kuwatir mengko malah dikira homoseks, arepe nyapa wong wadon kuwatir dilabrak ditudhuh sexual harassment, nyedhake bocah sing durung cukup umur kuwatir dikira pedophile, ndhempet wong tuwa dikira arepe ngutil dompete.

Suwalike, manungsane malah dadi mesin, nyambut gawene kaya mesin direwangi ngrangkep pirang-pirang saperlu kanggo ngingoni mesin, mbayar rekeninge sing saya dina saya tambah akeh maceme, semono uga tagihane itungen dhewe aku buka tangan ngenteni cipratane susuke bae. Sibuk terus nganti ora ana wektu kanggo tilik sambang keluargane dhewe, kancane, pacare, tanggane. Saben arep ketemu kudu janjian dhisik liwat tilpun SLJJ, surat pos, faks, email, lsp. ngenteni ana lodhange wektu bisa nganti minggon wulanan. Apa ya bangsane dhewe iki arah lakune ya menyang Lexington Avenue?

Ing Indonesia saiki ing ngendi-ngendi padha kebanjiran hp, warnet, wartel, warparpostel, warkop, ..... 'war-war' an pokoke, perang perangan gengsi pokoke, embuh kadhesek saka kebutuhan apa mung kanggo gaya-gayaan supaya munggah drajate ing bebrayan agung aku ora ngerti. Aku mung bisa gedheg-gedheg pacak gulu semu ora percaya, wong nduwe akses mrono kuwi ragade ya ora sethithik, senadyan nganggo itungan Amerika. Awake dijarne kuru kaya pitik gering no problem, sing penting rokoke Marlboro, bisa hrang hreng numpak sepedha motor mengkilap, ngesak hape, dolanane menyang warnet, ceting karo pacare ing kutha liya nganggo basa lu lu gue gue-an, status pengangguran ora dadi ngapa, wong senengane mung grombol-grombol sajake kaya ora nawaitul tenan duwe krenteg golek penggaweyan.

Pasif, senengane mung gumantung marang welas asih ngenteni pitulungane liyan, persis kaya bapak-bapak pejabat teras sing gedhi banget rasa tanggung jawabe ngabekti marang rakyate. Saking gedhene rasa dharma baktine marang rakyate nganti ora produktif babar blas, bisane mung prigel golek utangan ngalor ngidul yen wis oleh banjur slametan dipurak bebarengan ngalor ngidul, embuh rakyate keduman apa ora aku ora ngerti. Wong pesta kok nganggo dhuwit utangan, apa iya bisa hepi tenanan. Wong oleh utangan kok bangga jarene, "Iki lho bukti yen awake dhewe isih dipercaya karo ndoro tuwan kolonial."

Senadyan ora dipercaya ya tetep bakal ditawani dhuwit anakan, anak beranak, anaknya beranak lagi, yen dhuwite ora diputer kanthi cara mangkono ekonomine ndoro tuwan kolonial ya bakal macet dhewe. Yen kurang jelas takona aku, mengko genti aku dak takon menyang sing luwih ngerti. Sing jelas utang kudu nyaur, nyaure piye embuh! Aja kuwatir isih ana lenga gas arepe dienggo kramas ya mangga, alas Kalimantan tanpa dicacap ya isih ketel, arepe nguntal tembaga ya mangga ing Irian isih akeh.

"Nganggur Mas, mbok aku sampeyan jak menyang Bali, sampeyan golekna penggaweyan ing kono dak melu sampeyan bae ana lowongan ora ing kantor sampeyan?"

"Aku jaken menyang Madrid ya, aku cangkingen menyang New York ya, aku gawanen " … lho kok kaya wong nakal njaluk digawa! Dak cengkiwing terus dak uncalne ing Hudson River modar kowe, kaya aku sing nduwe negara bae. Melu menyang Madrid, apa ora wedi kesruduk bantheng ketaton? Yen kowe Jaka Tingkir ora apa-apa, mangga tindhak sesarengan kula.

"Gampang Mas untuk ongkos pesawatnya sementara potong gaji dulu saja." Edan ta? Lha wong oleh penggaweyan bae durung wis njaluk potong gaji, gajine sapa sing dipotong.

"Tidur di mana saja nggak apa-apa Mas." Yen musim dingin bakal modar tenan kowe yen turune sak enggon-enggon.

"Makannya seadanya saja nggak apa-apa Mas." Kono ana sandhal jepit nganggur panganen, wong anane mung kuwi.

Ah, atiku dadi melu bungah ndeleng mentale sawetara generasi nom-noman bangsaku saiki. Indonesiaku memang hebat. Mung bae aja nganti majeki wong sing katon mlaku ijen, wong sing dianggep pendatang, apa maneh nganti ngobong toko yen lagi kepepet. Yen ekonomi macet, sambate ora perlu ngaru ara wong dijarak jarak dhewe.
7.
Well, … wel ewel ewel, pranyata sing klelegen tewel gowel iki ya manungsane dhewe ta. Saiki kono sing okeh dhuwite, terusna anggonmu cas ces cas ces nyemprot aerosol, minangka tuladha liyane, aerosol disemprotna sak enggon-enggon, ing ngendi bae, sell more, and more, and more nganti tekan negara sing dienggo mangan bae utang dhisik totalan mburi anak putune sing kepothokan, no problem sing penting melu-melu gayane ndoro tuwan kolonial anyaran ben gengsine munggah dhuwur langit kapitu kaya ndoro tuwan kolonial. Munggaha dhewe kono, aku ben ing kene bae wedi kepleset.

"Then how can this little can, hey man, don't do this, emangya ngapain?" Merga pengaruhe ora becik kanggo atmosper ndhuk, bisa ngrusak atmosper kangmas.

"Ah, elo yang bener aje kalo ngomong, masak sih botol sekecil ini bisa bikin lobang segede itu di atmosfer? Elo ini ngomong apaan sih?" Nah, saiki delengen dhewe, kuwi lho ana bolongan sing giedhi banget.

"Lho kok bisa kayak gitu ya?" Merga manungsane dhewe sing tansah cuek, merga manungsane dhewe sing serakah. Lha saiki kepriye manungsa bisa nutup bolongan sing giedhi bianget mau? Yen wis ngene manungsa biasane mung ganti eker-ekeran nyalahna siji lan sijine. Eyel-eyelan saling nudhuh sabanjure sing mlaku ya hukum rimba, endi sing kuwat-dhasen menang. Mula kaya ngapa bae tumindakmu, ora peduli cilik apa gedhe, apik apa elek, akibate bakal mbalik menyang awakmu dhewe. Manungsa ora bisa uwal saka purbawasesaning Gusti.

Saiki ayo padha nggawe plastik kanggo wadhah iki kanggo wadhah iku. Tape diwadhahi plastik, emoh nganggo godhong plasa. Lonthong kupat ayo dibungkus plastik bae luwih praktis tinimbang godhong gedhang. Cibuk kamar padusan wis gengsi nganggo bathok klapa, yen bisa kabeh nganggo plastik bae, wong jamane jaman plastik. Plastik terus, ganti anyar terus, buangen sing lawas. Pungkasane piye?

Disposable, saiki nggawe barang-barang sekali pakai buang kareben luwih praktis, kabeh serba disposable, barang iki disposable, barang iku disposable, popok bayi disposable, klambi disposable, sikat untu disposable, kabeh yen bisa digawe disposable, banjur ana tumpukan plastik dhuwure kaya gunung sing pranyata tetep numpuk ing kono ora kena dimusnahna. Godhong gedhang numpuk suwe-suwe dadi lemah, plastik tetep dadi plastik. No problem sing penting ora ketinggalan jaman, apa aja yang dari Barat so pasti lebih OK daripada kita punya. Nah sabanjure Cak Bejo wis ora bisa maneh mancing ing Kali Brantas, Bang Samiun ora wani mangan iwak Kali Ciliwung. Saiki iwake embuh padha mlayu menyang ngendi, saben ndina ana ewonan spesies kewan lan taneman sing padha mati, lha yen wis ngono apa kowe isih percaya yen Barat mesti luwih pinter? Apa kowe isih nganggep yen bangsamu dhewe luwih bodho?

Bangsa Indian dipateni dhor dhor dhor matek sek ora nganggo klepek-klepek, tapi sing diarani barbarik wong Indian. Bangsa Indonesia sumber dhaya alam lan manungsane dikuras nganti ludhes, dingengehi mung sak crit dienggo rebutan wong saknegara nganti paten-pinaten, nanging sing diarani barbarik wong Indonesia, sing ditudhuh ora becus njaga paru-parune ndonya kok ya banjur wong wong sing ora ngerti bursa efek iku efeke kepriye. Negara kita sing sugih SDA lan SDM iki dak ibaratna pitik babon sing lagi ngenggremi endhoge sing akeh mau, saben dina ana ula weling sing mampir ngutil endhog-endhog mau. Babone bisane mung keok-keok, ya mung ngono kuwi, that's it.
8.
Dak terusne bae ngobrole sampek elek. Dak sawang-sawang Cacakku Chodjim iki suwe-suwe kok persis kaya bakul Viagra lho, hayo kudu gelem ngaku! Bakal dak ruda pari peksa yen sliramu nora kersa hangakoni tumindakmu kakang. Wong buktine nafsumu tambah gedhe, bubar ngrembug Nafs al-Amarah, Nafs al-Lauwwamah, lan Nafs al-Mulhammah, isih arepe diterusna maneh nganti tekan Nafs al-Muth-mainnah. Mangga-mangga Cak diterusna olehe andum piwulange ing milis Jawa kene, tenan aku matur nuwun banget Cak.

Kakang, saiki ingsun wis ora mbutuhna maneh jamu kuat cap Kuku Bima, wedi beset kecakar kukune, wong jamu kok nyakar. Ora perlu maneh ndadak dicampur dhisik nganggo beras kencur, madu, jeruk nipis lan kuninge endhog, wong endhoge calon maratuwaku ya wis melu ucul katut jaran liya, dhasar apes nasib awak rasane kaya diuntal anake luwak. Dak terusne bae anggonku maca tulisan-tulisanmu Cak Chodjim, supaya atiku bisa krasa ayem, bisa tentrem anggonku angon hawa nepsuku. Aku saiki malih kepingin melu-melu njeplakna lambeku sing ndower kewer-kewer iki saperlu melu urun rembug bab kuwi

Lho ndiko niku yok nopo se dulur, lene nek isok mbok yo ojok mandheg jalur Gresik-Jombang. Mangga sami nitih ingkang jalure antar propinsi kemawon, mangga dipun lajengaken ngantos Yogya, mangga Mbah Dul kersoa andum kaweruhe wong penumpange sing antri nggih teksih kathah ngaten lho. Matur nuwun kintunan Mazmur-ipun. Prayogane sadaya mangga sami rame-rame ndherek Tour de Java.

Mancal piyambak-piyambak lho nggih, sampun ngantos pancal pancalan, mangke saged kejiret sarunge dhewe terus bedhah kabyeh. Ayo padha sing ngati-ati aja nganti sarunge bedhah, lagi krismon, rega sarung ya melu mundhak. Aja dhuwur-dhuwur lho olehe ngundhakna sarunge, girap-girap dhewe aku mengko! He he heeeei ….. Mringis! Cengengesan karo wong gerang marakake segere tambah arang-arang.

Ngomong-ngomong soal nafsu, aku banjur kelingan nalikane aku pertama kali jatuh cintrong. (Ehm…dhehem dhisik ah, sadurunge diterusna olehe crita, sak crit tapi nyata. Ehm Ehm! Mastoni lagi jatuh cintrong, nich ye?)

Nalikane aku nandhang asmara kang sepisanan (sing aku dhewe satemene wis lali karo sapa), rumangsaku donya iki kabeh katon padhang jingglang, mak byar padhang trawangan! Yen lagi bebarengan karo si jantung hati, babar pisan ora krasa luwe, urip iki krasa kepenaaaak banget. Ayem. Senadyan akeh wong kang kandha yen rupane wedhus prucul aran Mastoni iki ora beda karo wujude bathok dikerok, but all I would do is smile, nanging dudu mesem kecut lho. Senyumku sudah dari sononya memang menawan, ora percaya dak tantang ayo ngopi dharat bebarengan mumpung aku isih ngurek ing Solo. Aku janji kowe bakal dak esemi kabeh

Saat aku pertama kali jatuh cinta (duile kaya telenovela), aku merasa tak perlu lagi menekan atau menjinakkan nafsu binatangku. Iki ora ateges aku impoten lho yen bisa meper hawa nepsuku nalika aku nandhang asmara kang sepisanan kuwi. Ora kepikiran babarpisan karo sing jenenge Gaman Sarutama, tegese saru ning utama, gaman kang ampuh banget, tedhas mati, ora tedhas ya mati. Sawise ibu bapak Da Ta Sa Wa La-an, ing wusana sarehne padha hornine, padha gak betahe, padha gatele, padha digdayane, Pa Dha Ja Ya Nya, banjur karo-karone sampyuh, padha matine, Ma Ga Ba Tha Nga, . .. nek haluk telus lak ya pegel Rek! Boyok kumat. Embuh se, wong aku dhewe ya ora sepiroa paham, durung akil baligh J Kuwi mau rak jarene jare.

Satemene sing dak maksud sampyuh kuwi tegese ya mati bareng, kanyataane bubar sawala (perang) banjur padha sare. Lha wong sare iku ya padha karo wong mati tur sejatine ya ora krungu apa-apa mangkane banjur diarani Mati Sajroning Urip, tegese ragane wis katon kaya wong mati nanging sejatine isih kadunungan Urip. Buktine senadyan lambene wong sing lagi ngorok ngok-ngok mau diuyahi, kadhang-kadhang ya tetep ora bisa tangi. Dompet ing sakune diseser sok-sok ya ora krasa. Tuladha iki minangka gegambaran yen Urip kuwi pancen ora mbutuhna donya brana, sing dibutuhna mung ngemong raga. Sing mbutuhna bandha rak manungsane sing isih kanggonan Urip.

Bali ngrembug ngenani Gaman Sarutama tinggalan wasiat Aji Saka sing tegese saru ning utama. Mungguh sarune tegese yen mlayu karo wuda tuku pizza kaya Madonna kae rak bakal diarani wong edan. Duwe barang kudu bisa ngrumat sing apik, aja diumbar. Dicucuk pitik kapok koen! Mungguh utamane, kajaba wis umum kanggone wong bebojoan, yen duwe turun sawise ana perang Da Ta Sa Wa La, perange ibu vs bapak wayah tengah wengi kae, saka kanugrahane Gusti banjur bisa lair si jabang bayi, ya anane Ha Na Ca Ra Ka kuwi, ana utusane Gusti.

Sangang aksara ing Carakan (Ha Na Ca Ra Ka Da Ta Sa Wa ) iki bageyane wong lanang, amerga wong lanang kuwi mung nduweni bolongan sanga, mulane diarani Babahan Hawa Sanga, ana sing ngarani Babahan Nawa Sanga, endi sing bener embuh. Dak aturi nggremeti dhewe bolongan sing cacahe sanga mau, aku ora sudi. Nanging wong wadon genah nduweni bolongan sewelas, ing sekolahan sing loro melu aktif dadi anggota OSIS (Ojo Senggol Iki Susu). Dadi aksara Jawa sing sewelas mau (La Pa Dha Ja Ya Nya Ma Ga Ba Tha Nga) kuwi bageyane wong wadon. Dentawyanjana dhewe satemene cacahe ora mung 20, nanging sejatine ana 21, sing siji ora klebu ing itungan lair. Aksara sing siji iki aksara sing ora bisa mati yakuwi Urip, kang nguripi sakabehing dumadi. Klebu manungsa sing kedadeyane saka patang prakara yakuwi banyu (mutmainah), getih (amarah), angin (supiyah), lan bumi (aluamah). Mulane banjur diarani Kiblat Papat Kalima Pancer, tembung iki bisa nduweni pangerten sing jembar banget lho, salah sijine ya kaya ing ngisor iki.

Kiblat Papat (banyu, getih, angin, bumi) Kalima Pancer (kang pancer urip, Gusti) mratandhani paring sasmita marang kita kabeh yen raga iku bisane obah mosik amarga kanggonan Urip, mulane banjur ana pralambang angka 10. Nul tegese kosong, awang-uwung, bisane dadi angka 10 yen wis ditambahi angka siji ing ngarepe yakuwi Urip. Manungsa yen ora kanggonan Siji, ora bakal bisa mobah mosik, wong Uripe wis bali menyang awang-uwung. Yen raga wis dioncati dening Urip bakal dadi bathang ora ana ajine. Semono uga Urip yen ora nganggo nyilih raga senadyan bisa mobah mosik, kasampar kesandhung prasasat tanpa aji. Kumpuling kawula Gusti iki kang diarani Silih Sinilihan, Samat Sinamatan.

Mula manungsa minangka wadhahing Urip Kang Suci bisoa wengku winengku, mong kinemong, kudu bisa nindhakna tingkah laku kang Suci, aja kok banjur awake dhewe iki diombang-ambingna dadi wadhah kang ala. Bebasan ayam goreng senadyan gurih lan enak banget rasane olahane koki nomer siji sajagad, nanging yen wadhahe kebak rereged dirubung laler, ayam goreng mau ya ilang regane ora ana ajine. Isine katut karo wadhahe. Awake dhewe kudu bisa dadi wadhah sing apik lan resik, ngedohi sakabehing kanepson kang ala. Manungsa urip ing donya iki kudu bisa niru tumindake para Wali, tegese tingkah laku kang apik aja nganti diuwali, aja nganti uwal saka rasa kang Suci mau.

Aku mung saderma caos wawasan lho, blaka suta bae aku dhewe ya isih rumangsa durung cukup, isih gampang kagodha dening lair nanging ya ora pisah saka ikhtiyar kang becik-becik. Aku dhewe isih sinau, mula dak jaluk aja salah ing panampa. Ayo padha dipenggalih, bab iki ayo padha dirasakna dhewe-dhewe, milih seneng rasa sing enak apa rasa sing ora enak. Manungsa sing dipilih biasane sing enak-enak, nanging geneya isih akeh sing durung ngerti Rasa Kang Sejati, kang maringi sakabehing rasa? Mangka sejatine ya padha padha kena dirasakake.

Nalikane aku lagi nandhang asmara kang sepisanan, sing ana mung rasa tresna asih marang kekasih. Tansah kelingan pujaan hati rina klawan wengi, hatiku berbunga-bunga kebak kisen kembang setaman. Senadyan kadhangkala kapeksa ora bisa ketemu, nanging maca surate bae ati wis krasa bungah banget. Bungaaahhh banget, wis suweneng neng pokoke, lali totalan tagihan macem-macem, ngerti-ngerti rekeningku wis dicabut ora bisa online maneh. Nanging atiku tetep bungah lho! Iki anehe.

Lha ya kaya kuwi lho dulur sing arepe melu dak rembug ing kalodhangan iki. Yen kowe wis bisa ngalami dhewe kepriye rasane yen lagi nandhang asmara karo Gusti Kang Maha Asih, bungahing ati kaya tuladha ing ndhuwur mau tamtu uga bisa dirasake awakmu dhewe. Yen ati wis sumeleh pasrah kabeh tumindak lakumu sarwa lelandhesan rasa tresna asih, nafsu sing isih dumunung ana ing ragamu wis ora dadi masalah maneh. Rina klawan wengi kowe bakal tansah kelingan marang Gusti. Senadyan ora bisa ketemu, nanging maca Kitab Sucine bae wis bisa marake ati bungah banget. Al Qur'an, Prajanjian Anyar lan Lawas, Kitab Torah, lsp., yen diwaca kabeh bakal katon lan krungu endah, kita bakal bisa nampani sakabehing piwulang luhur dhawuhing Gusti kang tinulis ing sajroning kitab-kitab mau. Yen wis mangkono, bisa ilang krenteg eyel-eyelan rebut endi sing paling bener.

Sing paling angel iki kepriye supaya sakabehing tumindak kita kang sarwa lelandhesan rasa tresna asih mau bisa dijaga amrih bisa langgeng ing sajroning urip ing bebrayan agung ing ngalam donya kene iki. Insya'allah sa'ate bakal teka, Gusti bakal mbukak wiwaraning pramana kita ya lawanging ati kita, ndhodog keteging jejantung kita supaya kita bisa weruh rasane wong yen lagi nandhang asmara karo Panjenengane kuwi kepriye. Yen awake dhewe iki bisa ngalami dhewe rasane nandhang asmara, yen kabeh wis bisa kasawang nganggo mripat tresna, tangeh lamun kita bisa sirik marang liyan, gawe gelane atine liyan, gawe tatune liyan, apamaneh nganti paten pinaten. Kita banjur bisa ngedohi sifat tamak serakah golek menange dhewe tansah kepingin lungguh sing paling dhuwur. Ora ana maneh rasa wedi kajaba marang Gusti. Wong jarene jatuh cintrong kok wedi methuki pacare, kuwi padha karo ngapusi.
9.
Tresna kuwi solusi masalah apa bae. Nyatane pancen apik banget ta, lagi dirungoke bae rasane wis kepenak banget, malah saumpama aku iki klebu golonganing wong atheist bakal dak pilih langsung sanalika iku uga aku bakal percaya anane Gusti Kang Akarya Jagad, supaya aku bisa ngalami dhewe apa sejatine Pusering Bebener ya Punjering Rasa Tresna kuwi. Ya kebebasan diparengke ngalami dhewe, ngrasakne dhewe Pusering Bebener iki sing satemene kena diarani kebebasan mutlak, dudu Freedom impor utawa Freedom kang cumenthel ana ing demo-demo. Demokrasi banjur dianggep bebas 'demo' sakepenake udel, yen wis ngene dudu demokrasi maneh ning "demon-crazy, crazy demon" Setan alasan iblis bekasakan edan, mangan lemper kesereten dhewe rasakno. Just kidding. Mbokmanawa amrih bisane kita nresnani Gusti kuwi ora angel banget kaya sing dibayangke. Mula kuwi ayo padha berjuang selama Hayat masih di kandung badan.

Apa? … "selama Hayat masih di kandung badan?" tegese sasuwene Urip isih dumunung ana ing badhan wadhag kita? It's over before you know it. Ora usah ngenteni mene emben, selak kedhisikan modyar sadurunge kita bisa meruhi sejatining Urip kang dumunung ana ing badhan wadhag kita iki, ya Urip Kang Sejati kuwi. Kahanan iki mbokmanawa pancen disengaja dening Gusti Allah supaya manungsa gelem nggoleki Pusering Bebener lan supaya bisa mangerteni Sangkan Paraning Dumadi ya sangkan paraning awake dhewe iki.

Supaya Rasa Tresna kuwi dumunung ana ing ragamu, kudu pinter anggone angon hawa nepsune dhisik. So let's get back to basics. Kowe kudu bisa meper hawa nepsumu dhisik, ora perlu ngumbar tumindak kang ora becik kang bakal ngedohna awakmu dhewe saka Rasa Tresna. Iki ora liya ya supaya Gusti Allah tresna marang kowe, tegese Rasa Tresna bisa dumunung ana ing ragamu. Luwih cethane maneh, nresnani sapadha-padhaning manungsa kuwi mung tembung metafora, sing bener ya nresnani Gusti kang dumunung ana ing ragane manungsa utawa tumitah liyane, iki sing diarani Tresna Kang Sejati, Tresna Kang Agung, ya tresna marang Urip Kang Sejati, tegese sejatining urip iki kudu lelandhesan Rasa Tresna. 'Nresnani' wong mung merga saka ayu ngganthenge dhuwur pangkate apik nyandhang nganggone, lsp. kuwi satemene dudu sejatining tresna, anane mung kagawa saka rasa seneng ing kahanan laire. Mung Gusti kang paring Rasa Tresna, amerga Gusti ya Rasa Tresna kuwi. Tresna asale saka Gusti bakal bali menyang Gusti.

Aja nganti bingung antarane tembung tresna, seneng, lan welas. Tembung-tembung kuwi tegese beda-beda. Bab liyane sing kadhang rada mbingungna yakuwi bedane antarane ati lan nafsu. Ati kuwi ya lenggahane Gusti ing manungsa. Dadi yen ana sing kandha "Saya sedang patah hati", tembung 'patah hati' iki salah kaprah, amerga satemene sing patah dudu atine, nanging nafsune. Sepisan maneh supaya kita bisa ngrasakna rawuhe Gusti ing sajroning ati kita, you have to get that "I" out, kita kudu bisa mbuwang adoh-adoh KTPne dhewe-dhewe sapa sira sapa ingsun. Yen KTPmu kuwi isih cumenthel wujud nafsu, aja banjur diarani nafsumu kuwi kowe, supaya ora bakal kedadean patah nafsu dadi patah hati tenanan. Bingung sawise diiputus pacare terus bunuh diri tenanan. The confusion between your nafs and your heart is the main problem. Mulane aja benceng ceweng sing pinter anggone angon hawa nepsune dhewe-dhewe.

The heart is broken when you don't see Gusti Allah in your heart.
10.
Bubar ana sweeping ing Solo, aku wingi krungu ana gerombolan ala Ninja ing Kaliurang padha nggawa pedhang landhep cemengkling swarane gumebyar nggegirisi cahyane, arepe kanggo apa maneh yen ora kanggo mateni wong liya, korbane padha mlayu kocar-kacir adus getih. Emprit abuntut bedhug, perkara sing satemene sepele banjur dadi gedhe. Esuke jarene ana 57 Ninja sing kecekel, matur nuwun marang bapak polisi, kabeh embuh kok banjur diculna mak cul, kaya ngeculna manuk saka kurungan. Ing panggonan liyane maneh ana wisatawan saka Perancis sing dadi korban wong-wong sing ngaku beradab nanging satemene biadab.

Geneya manungsa kok isih akeh sing padha seneng paten-pinaten? Amerga manungsane dhewe sing durung mangerteni lan ora gelem meruhi sapa ta sejatine manungsa kuwi. Amerga kesadharane awake dhewe iki durung ngancik pucuking undhak-undhakane rasa kamanungsan, durung dadi manungsa kang sejati, yakuwi sebabe. Sejatining manungsa kuwi kepriye, liya dina bakal dak coba melu urun rembug ing kene. Sawetara iki ayo padha disemak critane Cak Chodjim, ana gandheng cenenge karo bab kuwi.

Kita kudu bisa padha nyadhari yen manungsa tumitah ing ngalam ndonya iki minangka utusane Gusti, Ha Na Ca Ra Ka. We are His representatives on Earth, you know, yakuwi yen kita wis bisa nyawang manungsa liyane minangka manungsa. Dudu ah, untunge apa ya nyedhaki wong kuwi? Arepe dak kon nuku mobilku ben aku bisa ganti model sing luwih anyar, dhuwit saka ngendi maneh sing arepe nggo nuku mobilku. Arepe disambati dhuwit kanggo keperluan iki iku genah dheweke ora gableg. Kira-kira kena dipek apane ya manjing paseduluran karo wong kuwi? Relasi karo bapak-bapak pejabat ora nduwe, kenalan pengusaha ya ora ana, banjur untunge apa? Arepe dijaluki sumbangan dadi sponsor yayasanku, el es em ku, padepokanku, paguyubanku, ndeleng wonge kayake ora bonafit tenan.

Ana maneh sing kandha, kowe karo aku iki mung wong cilik, kawula alit, ana turis mrene ora ana turis mrene sing untung ya dudu awake dhewe, dhuwite mlayune paling-paling ya menyang sing duwe hotel karo sing duwe restoran gedhe kae lho, menyang bapak-bapak pariwisata. Awake dhewe iki entuk apa? Tambah akeh turis mrene paling-paling ya awake dhewe sing dadi korban, warunge awake dhewe sing kena gusur nganggo alesan demi pariwisata, kabeh supaya katon endah, katon resik, asri, ning ora perduli yen awake dhewe iki ora mangan, bingung golek panggonan dodolan ora ana. Sapa sing perduli karo nasibe awake dhewe? Kabeh kuwi rak mung kanggo nyenengna landa-landa karo nggedhekna wetenge pemilik hotel lan bapak-bapak pejabat pariwisata. Yen ana turis diswipeng, dibacoki ya ben, mbelani ora mbelani awake dhewe iki entuk apa?

Ora peduli wong kuwi atine resik, jujur, uripe prasaja ora kakehan polah, nanging yen pancene ora ana sing kena diarep-arep saka wong kuwi, nyatane akeh sing nduweni panemu kanggo apa kekancan karo dheweke, kanggo apa mbelani dheweke, kanggo apa nyedhaki wong kuwi, mbuwang-mbuwang wektu bae, aja-aja malah aku dhewe mengko sing genti kepothokan disambati dijaluki tulung. What can I sell you? What do you have that I can take advantage of you? What can I get from you? Kaya gajah alingan suket teki, yen lair karo batine beda banget mesti bakal ketara, ya apa iya?

Yen kita wis bisa ngedohi ndeleng manungsa liya kaya tuladha ing ndhuwur mau, ya iki sing dadi sebabe geneya wong Jawa sing putri padha ngagem busana jarik lan kebaya, supaya barange ora dicucuk pitik, supaya sing dideleng mung rupane ora keganggu nyawang sing saru-saru, golek kesempatan dalam kesempitan. Iki mung minangka tuladha, yen pamrihe paseduluran fokuse ya paseduluran tenanan lair batin tanpa nganggo embel-embel sing ora-ora, apamaneh yen nganti kanggo ngrancang UUD (ujung-ujunge dhuwit), aja kanggo golek kesempatan dalam kesempitan. Aja mbidhung apirowang, ethok-ethok mitulungi nanging sejatine malah gawe susahe liyan. Nanging uga aja nganti blaba wuda, amerga saking lumane nganti uripe dhewe kecingkrangan.

Kanggo sing milih luwih seneng nyandhang nganggo batik ora perlu dipaido ketinggalan jaman, nuweki, feodal, nostalgia, lsp., amerga kanggone wong mau, batik pancen penting minangka kepribadiane awake. Kepribadian kuwi penting. Semono uga kanggo sing seneng mamerna udele sing tindhikan tatoan kae, ya ben, yen gatel klebonan tengu mengko rak krasa dhewe. I wear this blangkon, you know. I am cicak bin kadal wearing blangkon, you know (nyilih tembunge kancaku). Emban cindhe emban ciladan, siji lan sijine ora padha pangrengkuhe.

Nduweni kepribadian sing jelas kuwi penting banget. Aja esuk dhele sore tempe, aja molah-malih atine, sing teteg. Arepe milih dadi wong Jawa sing kebarat-baratan, apa Barat sing njawani, apa dijupuk sing apik-apik saka karo-karone, dak pasrahna para maos mangsa bodhoa. Sepisan maneh sing penting kita bisa nduweni kepribadian sing jelas, yen lagi bingung ing tengah ndalan supaya tetep ana sing sing dienggo gocekan ora rubuh sempoyongan. Yen luwih cocog kebarat-baratan, ya mangga, kono dijupuk sing apik-apik bae, teknologine disinaoni kanthi taberi, banjur dikuwasani, banjur bisa nyiptakna teknologi anyar ora mung fotokopiane. Kuliah ing mancanegara aja kok mung kanggo golek ijasah, aja kok mung kanggo pameran, bali ngandhang ora bisa apa-apa, gayane thok sundhul langit.

Krenteg angsa-angsa kepingin diarani maju mlebu golongane ndoro tuwan kolonial, ndeleng mangarep 'masa depan bangsa' nanging sing dideleng wong liya tanpa diukur saka awake dhewe, arepe noleh menyang mburi wedi diarani feodal, ketinggalan jaman, lsp. Kepingin persis kaya Amerika nyatane tetep wong Jawa, ora cocog banjur bengkerengan terus, bingung karepe dhewe. Ketepang ngrangsang gunung, njangka prakara sing mokal bakal kelakon, wong kepribadiane pancen beda banget, dadine ya ketula-tula ketali, kethek saranggon padha penthalitan ing ngendi endi.

Wiwitane kabeh kuwi manungsa, banjur ana wong Jawa sing blangkonan kaya kura kembet, ana Bule sing katon pucet, ana Cina sing rambute dikuncrit njlanthir, ana Arab sing jenggote kena nggo susuhe manuk emprit, ana NU, ana Muhammadiyah, ana Kristen, ana Kejawen, ana anak turune PKI, ana wong lanang, ana wong wadon, ana warok ana gemblak ana waria or whatever. But first, we are all human beings.

Ing ngarsane Gusti kabeh drajate padha, ora perlu minder karo bule, ora perlu nggethingi bule, ora perlu mbakar Cina, ora perlu mateni bangsane dhewe. Kabeh pinaringane Gusti Kang Maha Kuwasa iki aja banjur disalah gunakna, aja dirusak, aja disabeti nganggo pedhang, aja diobongi, aja dibomi, aja nakal, aja lali matur nuwun, supaya kanugrahane Gusti tansaya dina tansaya tambah. Sing luwih wigati maneh supaya kita bisa ngrasakna kanugrahane Gusti mau.

Banjur awake dhewe ing kene iki perlune apa? Ing donya iki awake dhewe sinau dadi manungsa. Aku lan kowe padha sinau dadi manungsa, ya ing kene iki, ing donya iki minangka laboratorium kanggo nyoba malik isining bumi iki supaya bisa dadi manungsa, banjur dadi emas. Ana pitakonan? Mangga, takona aku. Takona Gusti Allah, aku ora ngerti.

Isih ana candhake.
Mastoni

back to the top