www.mastoni.com
SERAT SABDA TAMA
R. Ng. Ronggowarsito
 GambuhRasaning tyas kayungyun Angayomi lukitaning kalbu Gambir wanakalawan hening pitutur Sumingkring reh tyas mirong Den samya amituhu Ing sajroning jaman Kala Bendhu Yogya samyanyenyuda hardaning ati Kang anuntun mring pakewuh Uwohing panggawe awon Ngajapa tyas rahayu Ngayoma sasameng tumuwuh Wahanane ngendhake angkara klindhih Ngendhangken pakarti dudu Dinulu luwar tibeng doh Beda kang ngaji pumpung Nir waspada rubedane tutut Kakinthilan manggon anggung atut wuri Tyas riwut-ruwet dahuru Korup sinerung agoroh Ilang budhayanipun Tanpa bayu weyane ngalumpuk Sakciptane wardaya ambebayani Ubayane nora payu Kari ketaman pakewoh Rong asta wus katekuk Kari ura-ura kang pakantuk Dandanggula lagu palaran sayekti Ngleluri para leluhur Abot ing sih swami karo Galak gangsuling tembung Ki Pujangga panggupitanipun Rangu-rangu pamanguning reh harjanti Tinanggap prana tumambuh Katenta nawung prihatos Wartine para jamhur Pamawasing warsita datan wus Wahanane apan owah angowahi Yeku sansaya pakewuh Ewuh aya kang linakon Sidining Kala Bendhu Saya ndadra hardaning tyas limut Nora kena sinirep limpating budi Lamun durung mangsanipun Malah sumuke angradon Ing sapangu Pangungaking kahanan wus mirud Morat-marit panguripaning sesami Sirna katentremanipun Wong udarasa sakenggon-enggon Kemat isyarat lebur Bubar tanpa daya kabarubuh Paribasan tidhem tandhaning dumadi Begjane ula dahulu Cangkem silite anyaplok Ndhungkari gunung-gunung Kang geneng-geneng padha jinugrug Parandene tan ana kang nanggulangi Wedi kalamun sinembur Upase lir wedang umoh Kalonganing kaluwung Prabanira kuning abang biru Sumuruba iku mung sorote warih Wewarahe para Rasul Dudu jatining Hyang Manon Supaya padha emut Amawasa benjang jroning tahun Windu kuning kono ana wewe putih Gegamane tebu wulung Arsa angrebaseng wedhon Rasane wus karasuk Kesuk lawan kala mangsanipun Kawisesa kawasanira Hyang Widhi Cahyaning wahyu tumelung Tulus tan kena tinegor Karkating tyas katuju Jibar-jibur adus banyu wayu Yuwane turun-temurun tan enting Liyan praja samya sayuk Keringan sak enggon-enggon Tatune kabeh tuntum Lelarane waluya sadarum Tyas prihatin ginantun suka mrepeki Wong ngantuk anemu kethuk Isine dinar sabokor Amung padha tinumpuk Nora ana rusuh colong jupuk Raja kaya cinancangan aneng nyawi Tan ana nganggo tinunggu Parandene tan cinolong Diraning durta katut Anglakoni ing panggawe runtut Tyase katrem kayoman hayuning budi Budyarja marjayeng limut Amawas pangesthi awon Ninggal pakarti dudu Pradapaning parentah ginugu Mring pakaryan sregep tetep nastiti Ngisor ndhuwur tyase jumbuh Tan ana wahon winahon Ngratani sapraja agung Keh sarjana sujana ing kewuh Nora kewran mring caraka agal alit Pulih duk jaman ruruhun Tyase teteg teguh tanggon. |
